Bin so froh
I bin so froh, dass mir euse Weg nomel gfunde hend zu Ihne. Es isch im Moment so was Schöns zum de Nadine zuelose u au s gseh wie sie ufblühet i dere churze Ziet. Es isch eus lang nöd so guet gange, will mir als Elterä nöd gwüsst hend, was wie oder wer do dra Fehler macht, oder was chönnti sie. Mir sind villicht au nöd uf Lehrerin zue, will mir s Problem bi eus gsuecht ka hend, u somit au immer Nadine meh unter Druck gsetst hend: es muess go, du chunsch bald id Oberstufe. U das isch sicher nöd fördernd gsi. Mir sind so froh, dass mir Sie erreicht hend, Frau Rubli, und dass mir do d liebi Unterstützig bechömed, wo alli Verstande werded, ob mit Wort, Liebi und Mitgefühl.
Di hütig Welt isch nöd eifach, vor allem nöd für di hütige junge Lüüt, und mir weiss nie was no chunnt. Aber zum s eige Chind chönne behuetsam is Lebe chönne s fühere und immer meh id Selbständigkeit losloh, isch nöd eifach. Vorallem di Jüngsti🥴
Mir gspüret durch Ihri Arbet e grossi Unterstützig für eus als Elterä und au für Nadine. Es isch Energie schöpfe z chönne u ernst gno z werde. I hoffe, dass vieli Elterä, wo Angst hend, oder Müeh zum as Chind s cho zum Rede, mit Ihne, mit Lehrer oder mit anderne Elterä chönne en Ustuusch azfange. Dass mer e Alaufstell het, so wie Sie💕 Das isch mega wertvoll. Sie gsend s Chind und d Elterä, aber au di ander Site vo de Lehrer und em System. Und das isch so viel wert für Körper und Geist ❣️ I will Elterä Muet zuespreche, dass mer sich dörf Hilf hole u nöd zwiefle a sich und s Chind vernochlässigt Wege Druck, Angst, Stress im Alltag u nöd ernst gnoh z werde. Danke, Frau Rubli, für Ihri lieb Unterstützig und liebe Wort und Arbet❣️❣️❣️
I wünsche Ihne e schöns Wucheendi mit viel Sunneschii 🌞🫶 u schöni Erlebnis 💕😍
Danke tuusigmol!
M.R.